Come back Guy varð að Contract Guy - algjörlega rangur misskilningur "vinar" ..

Haft er eftir ónefndum vini hjónanna að Madonna hafi hengt sáttmálann upp á vegg á heimili þeirra og sagt er deilumál komu upp á milli þeirra: „Samningurinn Guy, samningurinn” 

Þetta er allt á misskilningi byggt! Hvers konar vinur er þetta eiginlega að bera svona sögusagnir út?  Hið rétta er, og hef ég þetta beint frá Madge (gælunafn Madonnu), að Þegar deilumálin komu upp stundaði Guy að strunsa út úr herberginu en þá kallaði hún ekki:  "The Contract Guy, The Contract" heldur "Come back Guy, Come back" ..

Svona geta sterkustu bönd brostið við misheyrn eða misskilning. Alveg eins og hið þétta samband sem var á milli Bretlands og Íslands.

Ísland er að vísu komið með Færeyjar upp á arminn, og er það plástur á sárin, Ólafur F. hefur fundið þetta á sér þegar hann bauð hingað færeyskri söngkonu til að troða upp á menningarnótt  - og Madge búin að finna sér ungan fola.

 

„Samningurinn Guy, samningurinn”

Eru Repúblikur á lofti ?

Ég verð fyrst að byrja á því að leiðrétta nafn McCains, en hann heitir John en ekki Johmn eins og fram kemur í fréttinni. Svolítið að flýta sér þessir blaðamenn á mbl.is, verð að biðjast afsökunar fyrir hönd minnar stéttar.  

Í öðru lagi vil ég þakka fyrir tvo bloggvini sem hafa boðið mér vináttu, en ég kann að samþykkja en ekki að biðja um bloggvini. Er þakklát fyrir þessar útréttu vinahendur.  ...ég er vön að launa gott með góðu. Sé strax að þetta fólk á sameiginlegt að vera vinir vina sinna. Já, ég er næm  viðurkenni það alveg.

En að efni fréttarinnar:

Það skiptir auðvitað öllu máli í þessari kosningabaráttu, sem og annari kosningabaráttu hvernig við konur erum klæddar. Hvort við klæðumst Dior drögtum eða Zöru drögtum. Sarah getur aldrei náð til fólksins i Dior dragt eða hvað? Auðvitað er eðlilegast að Sara sé í fötum frá Zöru.

 

Sarah heillar menn, og dregur fram villimanninn.  eins og þessi kisulóra  meow .. (að gefnu tilefni: þetta er ekki ég, vildi að ég væri svona mjúk og yndisleg).

Smá spá í lokin:

Ég sé í minni kristalskúlu að Obama þarf að fara varlega nálægt byssum, ofsatrúarnöttarar og kynþáttahatarar vilja hann frekar dauðan en í hvíta húsinu. Ég sé jafnframt nýtt barn, jafnvel tvö í bolla Söruh, enda notar hún ekki getnaðarvarnir, aðeins "öruggu" tíma mánaðarins. 

Því miður verður eitthvað svindl í kosningunum og blika er á lofti, Repúblikanar munu sigra, en Obama mun snúa aftur að fjórum árum liðnum með konu sér við hlið sem varaforsetaefni og þá loksins mun Ameríka losna undan bliku Repú.  

McCain og Obama berjast hart á lokasprettinum

Farmiði til Dubai fæst á hálfvirði.

Ég og kærasti minn, en við erum bæði ósamkynhneigð, vorum búin að ákveða að eyða jólunum í Dubai. Eftir þessa viðvörun þorum við auðvitað alls ekki að fara.

Því er ég með til sölu farmiða til Dubai og til baka til Íslands, hér og auðvitað á Barnalandi, þar sem mínar aðalvígstöðvar eru í slúðrinu.

Þetta er mynd sem ég tók í Dubai, síðast þegar ég var þar. Þessar konur voru auðvitað ekkert spenntar fyrir að vera í bikiníi, það var algjörlega þeirra val,  en höfðu mikinn áhuga á kærasta mínum.

Kynlíf á ströndinni vindur upp á sig

Veruleikafirrtur maður

"Seðlabankastjóri telur jafnt og áður að íslenska krónan sé gjaldmiðill til framtíðar." 

Ætli sé búið að setja manninn í höfuðsneiðmyndatöku? Það er eins og framheilinn sé eitthvað gallaður (segja þeir í andaheimi mér) og þá er ég ekki að tala um endurnar á tjörninni.

Ég hef hlerað að langar raðir hafi myndast í apótekum  til að nálgast ofnæmislyf og er það vegna ofnæmisviðbrigða við Davíð Oddssyni.

Efast ekki um sjálfstæði bankans

Ekki séð og ekki heyrt ...Davíð í Extreme Makeover, home edition? Íslenska þjóðin: The Biggest Looser

"Ábyrg" blaðakona fólksins í landinu mætt hér til að eyða óvissunni, hrista út eymdina og kitla burt leiðindin. ÉG mun fylgjast með ríkisstjórn, seðlabankastjóra og öðrum stjórum fyrir YKKUR. Líka auðmönnum og flóttamönnum með sítt að aftan.  ÉG, nefnilega skynja fréttir. Þarf ekkert að sjá eða heyra, eins og þeir í Séð og Heyrt vitleysunni.

                                              EKKI

 

Fyrsta frétt sem ég hef ekki heyrt, heldur skynjað, er að Davíð Oddsson hafi ákveðið í lítillæti sínu og iðrun að skipta um húsnæði við tjaldbúann í Laugardalnum. Húsnæðisskiptin munu fara fram næstu mánaðarmót og hefur tökuliðið úr Extreme Makeover Home edition verið fengið til að mæta á svæðið og taka upp þátt með skiptunum.

Í bland verður farið í þáttinn The Biggest Looser, en skynjun mín segir mér ekki meira um það í bili. Það kemur í næsta bloggi. Nei, nei, það kom til mín rétt í þessu, ó, ó, æ, æ, aumingja ég og þið, það er íslenska þjóðin sem kemur til með að missa mest.

Það verður varað við þessum þætti, hann verður ekki fyrir viðkvæma né hjartveika né þá sem eru með ofnæmi fyrir Davíð Oddssyni.

Ég mun hafa samband við skynjun mína hvernig mun fara og láta bloggara vita. Ég óska eftir vináttu við ykkur, kann ekki að vingast svo þið megið kenna mér það.

Ef þið hafið spurningar sem þið viljið fá svör við úr andaheiminum (ekki fugla)  er velkomið að leggja þær  inn í gestabókina mína.